محتاره في اسمه ؟؟انت كمان هتحتار ؟!

محتاره  في اسمه 

عارفين هو مين ؟

بوست انهاردة ؟؟

فات على مدونتى حتى الآن بوستين يملأهم الحزن والأسي  والأخير كان نوع من البوح .....  

اما الآتى فلن اعلم أى مصطلح يتماشي معه     

ولن اعلم إلي أين تستمر سلسله احزانى في مدونتى او على صعيد حالتى النفسيه

ولما تلك الفترة المليئه بالأوجاع والالام ولكن دعونى اجعل تلك الفترة فترة من البوح

لن اعلم هل فيها من إفادة لكنا  ام لا ؟

شمس الحريه واراكى يا شموسي  تغيبي  عن سطوحى 

يمكن الفترة دى بدايق قرائى واخواتى بكلامى وبوستاتى 

لكن اعذرونى

هى اقدارى .... رسمت قرارى ..دون اختياري ...دربي ودارى ...دون انذارى 

 

يمكن اوقات  بنضغط  بنتعب ممكن نهرب لكن اوقات نصمت واوقات نقف عن اى تفكير 

ممكن نقول الحياة صعبه  ........ممكن نقول كفايا اسطب 

وبيحصل استرس   وخلاص    .......

لكن اوقات نقول هنقاوم ..عزيمة ..هنقدر 

وفجآه نسمع نداء انه لنزع شيطان 

ندانى ..وقفنى على اول الطريق ولكن هناك  اشياء اوقفتنى وارجعتنى

لما الصمت وهناك البكاء يريحنى

يفاجئى نداء .. ولما البكاء .هناك لقاء

ومتى القى وقد دنا وقت البقاء

هاتفي يبلغنى ..عن قريب مادام الرحيل للسماء

وماذا عن ايامى فيها عذابي وشقائي

يبلغنى صدى صوت ...انتظرى في ركب نافله الفناء

واحلام غد حقائق الامس هل دنا لها وقت الانتهاء

يردد بمسمعى ..ماضيك وحاضرك ومستقبلك  كان بهم عهود بالوفاء

قولت نعم وماذا عنهم  وعن سويعات الشقاء

يخاطبنى  : دعيهم في البحار فهم بقايا اشلاء

بقايا اشلاء .. كيف ؟ ام تبخرت في الفضاء 

وفجآه ....توقفت  كلماتى ...غدرت صفحاتى .... 

يمكن مش  فاهمنى او هتقولوا  خير يا شمس كنت تقولى لن نستكين ولن نهين وكنتى تقولى ستأتى شموسي بابهى حريتها نعم بس  دا لما تكون فعلا موجودة حريتنا الى اتسرقت مننا

عارفين ليه  

كنا قبل كدا زماااااااااااااااان لو تفتكروا معايا عارفين الواد الى هناك دا كان وهوا لسه صغير ماسك كتابه ورايح يكون مبسوط ويقولك  قم للمعلم وفيه التبجيل كاد المعلم ا ن يكون رسولا 

نقوله وايه كمان : 

كان يرد العلماء ورثه الانبياء 

نقوله عظيم وعملت ايه لكل دا 

يقولى لازم اسمع الكلام واعمل كل الى يقول  عليه 

كان يرجع اخينا دا مرتاح نفسيا وقت ما يجيب  تقديرات جابها لان مدرسه كان له مثله الاعلى 

تفتكروا لسه موجود الكلام دا 

وسط ظلم دكاترة واهانة ومذله السنتهم 

هل في نظركم تعتقدون انهم يستحقوا التوريث من الانبياء  

إلا من رحم قلبه

لكن اين الرحمه او الانسانيه او اللين او الرفق  

( ما كان الرفق  في شئ إلا زانه وما نزع الرفق من شئ إلا شانه )

نعم ..وحقا تلك الكلمات

تعرفوا ليه وقت  تكون لسه داخل الترم وعندك شغل لاول مرة تعرفه او تعمله وتبدا فيه  المفروض ابسط كلمة تتقال غلي الامام وعاوزين احسن من كدا

في كلام تشجيع

الغريب والى بستغربله انى في قسم اجتماع و بيعطونا الدكاترة الدوافع  قد ايه عامل من عوامل النجاح والفشل 

والتحفيز  والتشجيع  

بعكس ما تقول كلمة تهبط وتجرح وتكسر  والنهايه فشل  

بس للاسف الدكاترة معندهمش الكلام دا  ودا فعلا الحقيقه

ولو اتكلمت تنفصل  اصلا ازاى ترد عليه 

لازم تسكت ومتفتحش بقك 

بس عارفين ليه يا اخواتى  هو عنده حق اصل كبيره علمه كدا 

سلسله طويله من هؤلاء الاشخاص تمددت حتى تصل لريسنا كبيرهم  

النظام الفاشل لاسف مسبش  صغيره كانت ام كبيره غلا وسيطر عليها

بس احنا كطلبه  هل  نستحق تلك المعامله او تلك الإهانه والذله والظلم وما غلي ذلك

اضف لهذا من تعليم فاشل  في الكتب تنزلك قب الامتحانات بشهر ووقت الامتحانات الكتب نزلت والكتاب مقرر ومعنديش كلام تقعد على الكتاب تحفظه  علشان  تروح ترميه فى الورقه وتطلع كله اتبخر

عتبي عليك يا شعب ساكت  ومتطاطى الراس  

على الهوان نسكت نخاف ولا نقول كفايا يا هوووووه

ووقت الجد نبكى ونقول على الدنيا يووووووه 

كان بغيدينا نقول كفايا ..وكان بغيدينا نقول يا نظام وقفووووووووووه

اتحكم الجبن فيكوا وين الناس ترد عليا ياهووووووووو

ودا حالك يا مصر 

كانت ضفرة من دهائس افكارى

عارفين في ايه كمان 

في فراق زى ما قولت في آلاااااام  .........   بيقولوا  ليس هناك  فراق بين غد الاحبه بل

هناك لقاء عند عرش الرحمن

بس مش اى فراق ولا اى لقاء لما يكون لاختك 

بتعرفوا ان هى  اختى   اتخطبت  في البوست السابق  وحاليا  قرب زواجها 

وتخيلوا بقا  هى  في بلد خارج مصر  

هتقولولى كمان اشعار ومثاليات 

بس لما القلب يدبح ويتشرح وقتها هتعرفوا ليه الصمت افضل

ضيفوا لكل دا  كمان

كان في فرقه رابعه راحت  وهتسيبنى 

للاسف الفترة دة فترة عجيبه 

فيها ضغوط كتير

فيا بشر زى الطوفان تخاف تقربله  

وعذرا  منى لو قولت ثقتى انعدمت في كثير 

ووجدت ان في حكمه لا تصدق صديقك او اخوك وصدق عدوك 

اقتنعت بيها 

هى دى مواضيعى 

دوشتكوا بيها لكن قولتلكوا من البدايه بوستى حزين وهيتعبكوا 

بس انتوا تحبوا تكملوه ....خلاص معلشوا  

متزعلوش 

بس كانت حكايات شموس  

تفتكروا هترجع تتكلم تانى زى ما كانت بشجاعه عن الحريه  

انا معتقدش .. وهترجعلكوا امتى الله اعلم  

صحيح لو لقيتوا الحريه  عرفونى طريقها

ونقولكوا تسلموا 

بس قبل ما هقفل   هقولكوا شويه نصايح  تتذكرونى بيها 

(ابتسم فى وجه معذبينك كى  يعلموا كم هم اوغاد )

( اجعل شكرك لربك من عطاء ليه فى مرضات عطائه )

( من ترك شيئا لله ابدله خير منه )

( لو لقيت الحياة وقفت قدامك .... افتح فيها بابا مع ربك يخرجك من المها )

( احترس من الصاحب قبل العدو )

( اعلم انك  في الدنيا زائر  ومنها راحل )

( انفق ما بيجيبك ..يرزقك نم حيث لا تعلم )

( اجعل من يومك  ثمره تعلق بربك يرضي بها عنك )

( كونوا عبادا قبل ان تكونوا قوادا @ فالاصالاح لابد وانا يسبقه صلاح )

ولا تنسوا انكم خير امه اخرجت للناس تؤمر بالمعروف وتنهى عن المنكر )

آخر حاجه  هختم بيها خاصه بالتدوين لو لسه  داخل عالم التدوين  

فكر فى الكلمه  دى ( تبادل أفكار ام تبادل إيميلات  )

يلا هنسبوكوا 

ومتنسوش تقولولى اسمه .....  اصلي محتاره في اسمه ؟

وآخر كلمة هقولها  قلبي بيحبكوا 

ونقولكوا صحبتكم السلامه وحفتكم الملائكه 

واستودعكم الله الذي لا تضيع ودائعه